របៀប​ធ្វើ​ប៊ូ​តុង ទាញ​យក ស្រស់​ស្អាត​មួយ​ជាមួយ​នឹង​កម្ម​វិធី Adobe Photoshop

របៀប​ធ្វើ​ប៊ូ​តុង ទាញ​យក ស្រស់​ស្អាត​មួយ​ជាមួយ​នឹង​កម្ម​វិធី Adobe Photoshop

ក្នុង​ការ​រចនា​គេហ​ទំព័រ គឺ​យើង​ត្រូវ​ធ្វើ​ការ​ឌីស្សាញ​នៅ​ក្នុង​កម្ម​វិធី Adobe Photoshop ឬ កម្ម​វិធី​កាត់​ត ផ្សេង​ៗ​ទៀត​ជា​មុន​សិន បន្ទាប់​មក​ទើប​យើង​ធ្វើ​ការ​សរសេរ​កូដ ដោយ​យក​រូប​ភាព​ដែល​យើង បាន ឌីស្សាញ​រួច​ទៅ​ប្រើ។ តែ​ថ្ងៃ​នេះ យើង​មិន​បាន​បង្ហាញ​ពី​របៀប​ឌីស្សាញ​ទាំង​មូល​នៃ​គេហ​ទំព័រ​នោះ​ទេ យើង​គ្រាន់​តែ​បង្ហាញ​ពី​របៀប​ធ្វើ​ប៊ូតុង ទាញយក ប៉ុណ្ណោះ​។

- មុន​ដំបូង​យើង​បង្កើត Layer ថ្មី​មួយ បន្ទាប់​មក យក​ជ្រើស​រើស Tool Rounded Rectangle Tool ។
- បន្ទាប់​មក​គូស ឲ្យ​ចេញ​ជា​រាង​ប៊ូតុង​ដែល​យើង​ចង់​បាន បន្ទាប់​មក​យើង​បំលែង Shape នោះ​ទៅ​ជា Layer ដោយ Mouse លើ Shape រួច​ចុច​លើ Rasterize Layer។
- បន្ទាប់​មក​យើង​កំណត់ ពណ៌​ឲ្យ​វា​ទៅ​តាម​ដែល​យើង​ចង់​បាន ដោយ​ចូល​ទៅ​កាន់ Layer → Layer Style → Color Overlay
- បន្ទាប់​មក​យើង​ចុច Mouse ស្តាំ​លើ Layer របស់​ប៊ូតុង​របស់ ហើយ​ចុច​លើ Duplicate Layer។ បន្ទាប់​ពី​នោះ​យើង​នឹង​ទទួល​បាន Button ពីរ។ ជា​ចុង​បញ្ចប់​យើង​គ្រាន់​តែ​សរសេរ​អក្សរ ទាញ​យក ពី​លើ​ជា​ការ​ស្រេច។

ប្រសិន​បើ​យើង​ចង់​បាន​ពណ៌​ប៊ូតុង​ផ្សេង​ៗ​ទៀត យើង​ត្រូវ​ធ្វើ​តាម​ដំណាក់​កាល​ដូច​ខាង​ក្រោម
- Select លើ Layer button ទាំង​អស់​នោះ រួច​ចុច Mouse → Merge Layer (Ctrl + E)
- បន្ទាប់​មក យើង Duplicate ប៊ូតុង​ឲ្យ​បាន​មួយ​ទៀត ដើម្បី​ប្តូរ បន្ទាប់​មក select លើ​ប៊ូតុង​ដែល​យើង ចង់​ប្តូរ​ពណ៌ រួច​ចុច​លើ Image → Adjustments → Hue/Saturation… បន្ទាប់​មក​យើង​ធ្វើ​ការ​កែ​ប្រែ ទៅ​តាម​ដែល​យើង​ចង់​បាន។